Berne Iepenloftspul edysje 2025 : Aladdine en de Wûnderlamp(ewinkel)
Wy kinne allegearre it ferhaal fan Aladdine, it earme famke dat yn ‘e fiere stêd Agrabah op ‘e strjitte libbet. Se stelt har iten en drinken by mekoar, heit en mem binne der net mear, koartsein, it is allegearre net sa bêst. En toch : se hat in Suvere Siel. Dat hat Jafar, de grutfizyr fan ‘e Sultan fan Agrabah, teminsten heard fan in wiersuster. Dêrmei is Aladdine poer geskikt om de Wûnderlamp foar Jafar út ‘e Wûndergrot te heljen- en wa ’t de Wûnderlamp yn ‘e hannen krijt mei ommers trije winsken dwaan? Sil Jafar syn winsk om sels Sultan te wurden einlik útkomme? Of hat Aladdine sels noch winsken? Se fynt dy prins Jisman oars in aardige jonge, mei of sûnder bril.
Yn dizze nije bewurking fan it âlde Arabyske mearke út Tûzen en Ien Nacht leare wy, dat sels ien mei in Suvere Siel in domme winsk dwaan kin. En dan rekkest dysels gau kwyt. Yn dizze kinne wy in foarbyld nimme oan Lieuwe. Dy is yn dit ferhaal gewoan himsels, dus gjin Sultan of in prins, lit stean in geast út in lamp of in grienteboer. Gewoan himsels. Lieuwe.
En of Aladdine nóch in kear mei Prins Jisman op in kleedsje troch de buorren fleane sil?
Miskien dat de wiersuster dat wit….
gouden gurbes
